Kur bëhet fjalë për aksesorët, asgjë nuk e mund dot komoditetin dhe stilin e një pale këpucësh të mira dhe një çante chic. Edhe pse shumë prej nesh e shohin koordinimin e këpucëve me çantën si diçka që ndoshta i përket së shkuarës, ne jemi të mendimit se kjo është në fakt një mënyrë e thjeshtë për t’i dhënë stilit tuaj një nivel më të lartë.
Rregulli i vjetër për të përshtatur këpucët me çantën mund të duket i vjetëruar, por kjo nuk do të thotë që nuk funksionon më. Në modën e sotme, aksesorët nuk janë më vetëm për koordinim të ngurtë, por për të krijuar një pamje harmonike dhe të qëllimshme. Një kombinim i mirë këpucë-çantë nuk duhet të duket i tejkaluar. Sot, ai është më modern, cool dhe me stil.
Ja 13 kombinime për t’u frymëzuar:
1. Një ngjyrë, kokë e këmbë
Zgjidh një ngjyrë për gjithë veshjen, duke përfshirë këpucët dhe çantën. Një ngjyrë neutrale është gjithmonë zgjedhja më e thjeshtë dhe më e sigurt. Kujdesu që të përshtasësh edhe materialet, qoftë lëkurë, velvet apo suede, për të krijuar një look të plotë.
2. Maksimalizëm i guximshëm
Disa kombinime këpucë-çantë nuk duhet të funksionojnë, por funksionojnë. Nëse Carrie Bradshaw është frymëzimi yt, atëherë maksimalizmi është në gjakun tënd. Kombino tekstura të ndryshme me ngjyra që plotësojnë njëra-tjetrën për një look të veçantë.
3. Loja e teksturave
Nëse ke zgjedhur një ngjyrë, provo të luash me teksturat. Një çantë me shkëlqim dhe këpucë me glitter do të krijojnë një efekt të veçantë.
4. Gradientët e bukurisë
Ndonjëherë nuk duhet të jesh identik me ngjyrën, ndonjë ndryshim i lehtë në nuanca krijon magjinë. Një çantë e butë me ngjyrë të lehtë, që tregon ndryshimin e hijeve, do t’i japë freski pamjes.
5. Materiale të njohura
Nëse çanta është prej suede, provoni të keni edhe këpucë prej suede në ngjyrë të ngjashme. Për raste më formale, një çantë dore prj lëkure me shkëlqim dhe këpucë të njëjta do t’ju bëjnë të dukeni fantastike.
6. Detaje të çuditshme dhe të bukura
Nëse veshja është e thjeshtë, shto një çantë ose këpucë me një ngjyrë ose print të guximshëm. Kjo do t’i japë stilit një dozë argëtimi dhe personaliteti.
7. Loja me printet
Nëse do energji dhe ngjyra, zgjidh një print që përsëritet në këpucë dhe çantë. Një fustan veror i bardhë duket perfekt me këpucë dhe çantë me motive florale.
8. Logomania
Printet me logo janë në modë dhe mund t’i përshtasësh lehtë në këpucë dhe çantë. Loja me përmasat e logos krijon një kombinim interesant.
9. Estetika abstrakte
Krijo një lidhje abstrakte mes këpucëve dhe çantës me stile të ngjashme artistike ose me trende aktuale si trendi me fjongo.
10. Mundësitë për raste speciale
Në dasma apo evente sportive, këpucët dhe çanta të koordinuara do ta përforcojnë veshjen tënde.
11. Madhësia dhe proporcioni
Nëse zgjedh një ngjyrë neutrale, luaj me madhësinë e këpucëve dhe çantës për të krijuar ekuilibër. Këpucët e mëdha kërkojnë çanta më të mëdha, dhe anasjelltas.
12. Veshjet sipas motit
Përditë moda varet nga moti, ndaj zgjidhi aksesorët sipas tij. Një çantë rafi dhe espadrile për verë, apo çizme dhe çantë me elemente leshi për dimër.
13. Udhëtim në kohë
Shfrytëzo pjesët vintage dhe kombinime që përputhen me dekadat e ndryshme. Një palë këpucë dhe çantë në stilin e viteve ’50 apo ’70 do t’i japin një prekje unike look-ut tënd.
