Olsi Bylyku vazhdon të mbajë misterin gjallë kur bëhet fjalë për lidhjen mes këngëve të tij dhe ish-partneres, Egli Tako. Në një intervistë në “The Dalina Show”, ai pranoi se çdo projekt muzikor që realizon bazohet në ndjesitë e tij personale, por refuzoi të japë një përgjigje të drejtpërdrejtë për interpretimin e tyre.
“Nëse kënga është për të apo jo, çfarë ndryshon për ty?” - u shpreh Olsi, duke i dhënë një përgjigje të prerë pyetjes së moderatores. “Unë çdo tekst e bëj me ndjesi. Po të ndjekim këtë logjikë, na duhen 22 vjet për të llogaritur nëse 80% e këngëve shqiptare janë histori personale apo jo.”
Pra, a është ndonjë prej këngëve një dedikim i fshehur për Eglin? Olsi lë të kuptohet se kjo mbetet në dorën e dëgjuesve dhe ndoshta pak në dorën e vetë Eglit!
Artikuj të sugjeruar:
