Albumi i ri i Selena Gomez është gati dhe do të publikohet në këtë datë

Selena Gomez ka njoftuar publikimin e albumit të ri, i cili është një bashkëpunim me të fejuarin e saj, Benny Blanco. Albumi, i titulluar "I Said I Love You First", do të publikohet më 21 mars 2025, ndërsa kënga e parë, "Scared of Loving You", tashmë është publikuar.

“Mezi presim të ndajmë këtë projekt special me ju”, ka shkruar Gomez në Instagram.

Blanco bëri gjithashtu një postim lidhur me këtë projekt, duke postuar foto nga prapaskenat nga xhirimet e albumit, por nuk mungoi as një deklaratë dashurie për këngëtaren.

 "Nuk mund ta besoj se do ta kaloj pjesën tjetër të jetës me ty".

Në një intervistë me "The Hollywood Reporter", Gomez foli për marrëdhënien e tyre, duke thënë:

 "Kjo është hera e parë që jam ndjerë vërtet e sigurt dhe shoh një të ardhme me këtë person".

Rikthimi muzikor i Gomez vjen pas rolit të saj në filmin "Emilia Pérez", i cili mori 13 nominime për Oscar, por është në qendër të polemikave për shkak të deklaratave nga aktorja kryesore Karla Sofía Gascón . Ndërkohë , vlen të thuhet se “I Said I Love You First” është vepra e parë muzikore e këngëtares që nga viti 2018 dhe kënga “Back To You”.

Artikuj të sugjeruar: