Finalja e “Big Brother VIP Albania” nuk është më thjesht momenti kur dikush fiton çmimin e madh, por edhe një puntatë ku çdo detaj, fjalë dhe video ka potencialin të kthehet në diskutim. Kështu ndodhi edhe këtë mbrëmje.
Në hapje të spektaklit, produksioni vendosi të transmetojë një klip ku figura të njohura (si Agron Llakaj, Grida Duma, Erjona Rusi etj.) i referoheshin fenomenit "Big Brother". Por çfarë nuk prisnim? Dy emra.
Arbana Osmani – moderatorja e dikurshme e formatit që “rikthehet”, jo si moderatore, por si zë i jashtëm nëpërmjet një fragmenti nga monologu i saj në finalen e “X Factor Albania”, një deklaratë që u komentua gjatë ku Arbana nën rreshta tha “ika vetë nga Topi”.
Në anën tjetër të “ringut” kemi Alaudin Hamitin – tashmë fytyra e BBVIP Kosova. Kujtojmë se hyrja e Gjestit në BBVA shkaktoi tension mes produksioneve në Kosovë e Shqipëri. Për ta thënë troç: Alaudini është në “kampin tjetër”. Ai është fytyra e një formati rival, me të njëjtën formulë, por me produksion tjetër. Fakti që ai shfaqet në hapjen zyrtare të finales së BBVA e që Top Channel vendos ta përfshijë në një klip që lartëson ndikimin e tyre, jo të BBVK-së, ngre dyshime.
