Një situatë e çuditshme ka ndodhur në shtëpinë e "BBVA" së fundmi: Gjesti ka kaluar murin rrethues të shtëpisë, nga i cili mendohet se është rrëzuar duke rënë në krahun tjetër.
Ngjarja nuk është transmetuar në kanalet e 'Big Brother', por një bisedë mes banorëve ka zbuluar atë që ka ndodhur.
@bigbrother.al4 Momenti kur Gjesti kalon murin!!! #bigbrothervipalbania #gjesti #viral #fyp ♬ original sound - bigbrother.al4
Teksa qëndronin në sallon, Tiri bisedon me banorët e tjerë duke u shprehur se "një banor ka kaluar murin e shtëpisë". Në videon e përhapur nga faqe të tjera, por jo ajo zyrtare e "Big Brother VIP Albania", dëgjohet Laerti duke thënë se "asgjë nuk ka ndodhur", në përpjekje për të mos përhapur më shumë debat për atë që Tiri nisi të tregonte.
Në shtëpi, më pas është fikur mikrofoni i Tirit, i cili këmbëngulte në përmendjen e situatës dhe është ngritur zëri i muzikës, në mënyrë që të mos dëgjohen më tej bisedat nga publiku.
Arsyet për këtë veprim të Gjestit mbeten të paditura dhe fakti që nuk ka një sqarim të plotë për të vërtetën e asaj që ka ndodhur, ka ngritur dyshime tek të gjithë njerëzit që ndjekin reality-n për këtë të fshehtë të mbajtur nga produksioni.
Në një tjetër video, shfaqet Gjesti i shtrirë në dhomën e gjumit teksa Egli kujdeset për të, ama pa diskutuar rrethanat e kësaj çështjeje të pazakontë.
