Një moment në “kiss cam” i transmetuar gjatë një koncerti të Coldplay mori një kthesë skandaloze, kur duket se zbuloi një tradhti mes CEO-s së kompanisë Astronomer, Andy Byron dhe dashnores së tij, drejtoreshës së burimeve njerëzore, Kristin Cabot. Ata u shfaqën të përqafuar në kamera, e cila ndaloi tek ta për ca çaste dhe kur Andy dhe Kristin e panë që ishin në sytë e gjithë botës, u munduan shumë të fshiheshin, por ku i shpëton gjë internetit.
View this post on Instagram
Menjëherë njerëzit kuriozë zbuluan se CEO është i martuar, afërmendsh me një grua tjetër, ndërsa Kristin, e divorcuar rishtazi. Ndërkohë që Kristin fsheu fytyrën me duar, ndërsa Andy zbriti nga vendi ku po qëndronte, vokalisti i grupit, Chris Martin u shpreh me shaka: “Ose janë në një lidhje të fshehtë, ose janë thjesht shumë të turpshëm.”
Andy Byron është i martuar me Megan Kerrigan Byron, ndërsa Kristin është divorcuar kohët e fundit nga bashkëshorti i saj, Kenneth Thornby. Ai bëri një reagim pas situatës së krijuar, por le ta analizojmë pakëz:
“Dua të adresoj publikisht momentin që po qarkullon online dhe zhgënjimin që ka shkaktuar. Ajo që duhej të ishte një natë e mbushur me muzikë dhe gëzim u kthye në një gabim thellësisht personal që u zhvillua në një skenë shumë publike. Dua t’u kërkoj ndjesë nga zemra bashkëshortes time, familjes sime dhe ekipit të Astronomer. Ju meritoni më shumë nga unë – si partner, si baba dhe si udhëheqës", u shpreh ai në pjesën e parë.
Tani, Andy, le të jemi të sinqertë: Ty të vjen keq që u kape, jo se tradhton. Domethënë, rastësive s'u shpëtojmë dot, por që ta quash tradhtinë - një veprim që e bën me vetëdije të plotë - "gabim thellësisht personal" sikur s'ka shumë kuptim. Nejse, se ju milionerët mbase i ndjeni gjërat ndryshe. Në këtë pikë të parë, bie dakord vetëm me faktin që gruaja, fëmijët dhe punonjësit meritojnë më shumë.
"Ky nuk është personi që dua të jem dhe as mënyra se si dua të përfaqësoj kompaninë që ndihmova të ndërtohet. Po marr kohë për të reflektuar, për të marrë përgjegjësitë që më takojnë dhe për të kuptuar cilat janë hapat e radhës, si në aspektin personal, ashtu edhe në atë profesional. Ju kërkoj privatësi ndërsa kaloj nëpër këtë proces."
Patjetër që kërkon privatësi dhe merr kohën e duhur për t'i kërkuar ndjesën e duhur bashkëshortes. Mos harro: Edhe nëse gruaja të fal, interneti s'e bën.
"Gjithashtu, dua të theksoj sa shqetësuese është që një moment që duhej të ishte privat u bë publik pa pëlqimin tim. I respektoj artistët, por shpresoj që të gjithë të mendojmë më shumë për pasojat që ka kur jeta e dikujt tjetër kthehet në spektakël.
Ore Andy, se s'ta ka fajin "kiss cam" që luan bishtin ti! Askush s'i gozhdoi duart e tua mbi kraharorin e shefes së burimeve njerëzore dhe askush nuk të detyroi të futesh në një shtrat tjetër. S'ta ka fajin Coldplay, por ndërgjegjja. Heh!
Ndërkohë, gruaja e Andy-t hoqi mbiemrin e tij nga rrjetet sociale dhe më pas, i mbylli fare ato.
