E ftuar në "Goca dhe Gra", Françeska Murati zbuloi se do të jetë opinioniste e "Big Brother Fan Club" për këtë edicion dhe bëri një koment për moderatoren që i shtyu gjithë njerëzit të mendojnë një emër:
"Gjëja e parë që pyeta ishte 'kush do jetë krah meje?' dhe kur më janë thënë emrat, sidomos i moderatores, thashë 'jemi lart'. Rikthimi im është kërkuar shumë edhe për veshjet që janë përfolur, por edhe vajza që është moderatore është përfolur shumë për veshjet, ndaj do kemi konkurrencë," tha Françeska dhe komentuesit bien pothuajse unanimisht në mendjen që bëhet fjalë për Kiara Titon.
Megjithatë, siç vuri në pah dhe dikush në komente, Kiara është mjaft e zënë me të tjera angazhime si moderimi i Portokallisë dhe xhirimi i filmit me Luizin, ndaj pavarësisht bindjes së njerëzve, Kiara Tito mund të mos jetë moderatore e "Fan Club". Ndër emrat e tjerë që u përmendën, duke marrë shkas prej komentit të veshjeve nga Françeska, ishte dhe Danja Koka, ish-banorja e "BBVA 4".
Nga ana tjetër, në vetë postimin e Instagramit të Top Channel, ku njerëzit pyeten se cila mendojnë se do të jetë moderatorja, shoqëruar si gjithmonë me një foto të siluetës së saj, ka mbizotëruar emri i Egli Takos.
Më pak të përmendur ishin emrat e Rozana Radit, Heidi Bacit, Kiara Titos dhe Sara Gjordenit. Vlen për t'u përmendur që edhe pse emri i Roza Latit ishte më i rrallë, në sy ranë pëlqimet e shumta për to, mbi 300 pëlqime.
Megjithatë, nëse silueta e moderatores është e vërteta, ajo i përngjan më së shumti Egli Takos dhe Kiara Titos.
Përsa i përket opinionistëve, Françeska Murati u zbulua dhe personi tjetër, duke gjykuar nga silueta, nuk ngjan aspak me Jozefin Markun, ndryshe nga ç'u përfol në "Goca dhe Gra".
