Ky është një ndër lajmet më të mira që do lexosh sot: një studim ka zbuluar se thashethemet janë të mira për ne.
Tani e në vijim, mbase duhet të mos ndiheni dhe aq keq me veten, teksa gjatë një bisede me shoqen e ngushtë komentoni jetën e të tjerëve.
Sipas studiuesve holandezë, si thashethemet pozitive ashtu edhe ato negative mund të na ndihmojnë të reflektojmë më shumë mbi veten dhe të bëjmë një analizë më të mirë personale. Dhe si rezultat, ndihmojnë që të ndihesh më mirë me atë që je, madje shtojnë dëshirën për t’u bërë një version më i mirë i vetes, pasi le të themi se aq shumë orë që kalojmë duke analizuar jetën e të tjerëve, mund të shërbejë për të nxjerrë disa mësime.
Sidoqoftë, ndoshta surpriza më e studimit ishte kjo: burrat bëjnë më shumë thashetheme se gratë! Dhe, për më tepër, nuk dinë të mbajnë sekrete, por mbase këtë e dinit.
Një studim me 2000 britanikë zbuloi se gratë mund të mbajnë një sekret për rreth 3 orë e gjysmë para se ndoshta ta ndajnë me dikë tjetër. Ndërsa meshkujt? E zbulojnë për më pak se 3 orë, dhe 1 në 10 madje e zbulojnë për më pak se 10 minuta. Rekord!
Elena Martinescu, autorja kryesore e studimit, thotë se thashethemet nuk mund të shmangen. Në vend të kësaj, ajo sugjeron:
“Të pranojmë thashethemet si pjesë natyrale të jetës dhe t’i qasemi me idenë kritike për pasojat që një veprim mund të ketë te ne dhe të tjerët.”
Me pak fjalë:
Thashethemet janë argëtuese dhe të bëjnë të ndihesh më mirë me veten.
Por nëse s’je i kujdesshëm, mund të shkaktojnë dramë dhe lëndime.
Nuk të kurojnë nga sëmundjet, nuk të bëjnë të jetosh më gjatë, por nëse diskutojmë për të tjerët me një sy kritik, thashethemet mund të na ndihmojnë të reflektojmë dhe të rritemi personalisht.
Pra, sipas studimit, mund të qeshim me të tjerët, mund të ndajmë sekrete me njerëzit që duam, por edhe të nxjerrim mësime nga analizat që bëjmë. Thashethemet mund të jenë terapi, nëse di si t’i përdorësh.
Burimi: Your Tango
