Flori Mumajesi dhe arti që ai bën i kanë munguar publikut, i cili ka kërkuar vazhdimisht rikthimin e tij. Këngëtari dhe kantautori prej disa vitesh është tërhequr nga jeta publike, duke lënë në “hije” dhe anën e tij artistike.
Por, duket se ka lajme të mira për të gjithë ne që e duam krijimtarinë e tij. Gjatë një interviste në emisionin “Mirëmbrëma yje” të Arbana Osmanit, shoku i Florit, Klajdi Haruni theksoi se ai nuk ka hequr dorë nga muzika.
“Nga bëhet Flori, pyesin të gjithë, Klajdi? Më pyesin mua, të pyesin ty… Unë e di që ai është duke punuar dhe duke bërë gjëra të bukura, por ti që e takon më shpesh, na trego diçka më shumë. Kur del kënga, kur del albumi?”, pyeti Arbana.
Klajdi bëri të ditur se gjatë kësaj kohe Flori ka punuar vazhdimisht dhe madje disa këngë i ka gati.
“Flori është në një pushim artistik për momentin, por po punon. Është në studio. Disa (këngë) i ka gati që tani.”
Nuk dihet ende se kur do të publikohet këngët për të cilat Flori ka punuar gjatë gjithë kësaj kohe, por me siguri fansat mezi po presin.
Artikuj të sugjeruar:
