Nuk e prisnim kurrë të gjenim frymëzim mode në “Jurassic Park”, por Jonathan Bailey ka thyer zyrtarisht internetin me paraqitjen e tij si paleontologu më seksi që kemi parë ndonjëherë (ndoshta dhe i vetmi) në trailerin e filmit “Jurassic World Rebirth”.
Pikërisht djemtë me syze janë duke e dërguar audiencën femërore të internetit në një stuhi emocionesh. “Burrat me ‘Slutty Little Glasses’”, siç po i quan interneti, që po e përshtasim si ‘Syze të Vogla të Pamorlashme’ me humor, janë gjëja më e nxehtë për momentin dhe kuptimi i thjeshtë është se burrat që vendosin këto syze, thjesht duken super seksi. Dakord, ndihmon dhe fakti që ata janë super seksi vetë dhe pa syze, por gocat e internetit janë tepër të emocionuara për ta vënë re këtë fakt për momentin.
Ndër të famshmit që janë bërë pjesë e këtij trendi të fundit (me qëllim ose jo), është dhe Drew Starkey që ka ndezur një gjueti globale për syzet e tij në “Queer”, së bashku me disa tema pasionante në Reddit.
Fajtori i radhës është Andrew Garield që me daljen e tij në Golden Globes këtë vit i bëri gjithë fanset dhe dashamirëset e një pamjeje të bukur të ngelen gojëhapur:
Më në fund, i kudogjenduri Timothée Chalamet i veshi ato i pari, duke vrapuar nëpër New York duke filmuar një film të ri.
Burrat me syzet e tyre të vogla të pamoralshme për gratë po kthehen në ekuivalenten e burrave që duan një të dashur që të duket perfekte pa grim dhe gratë as që po ndihen fajtore për këtë!
Ndërkohë, Drew Starkey dhe një herë (për qëllime edukative):
Artikuj të sugjeruar:
Burime: ELLE, Y!Entertainment
