Kur bëhet fjalë për thonjtë, asgjë nuk është më klasike se manikyri francez.
Kombinimi i vijës së bardhë në majë dhe bazës në nuancë nude apo rozë të lehtë është një stil elegant, aq sa popullariteti i tij nuk ka rënë asnjëherë, prej dekadash. Vetëm në TikTok, hashtag-u #frenchmanicure ka mbi 267.9 milionë shikime.
Nuk është aspak çudi që ky stil kaq ikonik ka frymëzuar variante të reja trendi, si manikyri francez me ngjyra pastel apo versioni mikro-francez. Dhe tani, një tjetër risi po fiton terren.
Ky stil i ri quhet “French Face” (ose "fytyra franceze") dhe ndjek estetikën minimaliste e të pastër që ka qenë shumë popullore vitet e fundit. E realizuar me të njëjtën teknikë si një manikyr ombre, “French Face” mund të jetë sa minimale, aq edhe e theksuar, sipas dëshirës tuaj.
Më poshtë kemi përzgjedhur disa nga punimet më të bukura që gjetëm në Instagram për t’ju frymëzuar për manikyrin tuaj të radhës!
