Kim Kardashian sapo ka rikthyer një nga pamjet e saj më ikonike, por kësaj here me një prekje nga fillimi i viteve 2000.
Në një selfie të postuar në Instagram, Kim shfaqet me flokë bionde platin dhe disa gërsheta të hollë në anën e djathtë të fytyrës, një detaj tipik Y2K që na kthen menjëherë pas në kohë.
Pas disa muajsh me një lob (prerje bob, por më e gjatë) brune dhe më pas me flokë të gjatë natyralë, Kim ka vendosur të rikthejë look-un e saj të preferuar: bionde dhe e guximshme.
Kjo nuk është hera e parë që Kim eksperimenton me bionden. Vetëm këtë vit, ajo u shfaq me një bob kaçurrel biond për fushatën e Skims në bashkëpunim me Roberto Cavalli, frymëzuar nga estetika “mob wife”. Në dhjetor, u frymëzua nga Pamela Anderson me një bob biond me balluke, ndërsa në pranverë e çoi bionden edhe në tapetin e kuq të Met Gala.
Në një intervistë për Interview Magazine në vitin 2022, Kim kishte rrëfyer se po planifikonte ta mbante bionden për pak kohë.
“Ndihem ndryshe kur jam bionde,” tha ajo. “Mendoj se në vjeshtë do të kthehem brune, për të mos dëmtuar flokët… Por mendoj se biondet e shijojnë jetën më shumë.”
Kohët e fundit, Kim është parë me flokë natyralë të errët dhe të gjatë, si në vizitën e saj të fundit në Venecia, ku mori pjesë në dasmën e Lauren Sánchez dhe Jeff Bezos. Por mesa duket, vera kërkon një rikthim të madh dhe Kim e ka bërë me stil.
Bionde platin + gërsheta mini? Thjesht Kim duke qenë Kim. Dhe po, duket se sezoni i biondeve ka nisur (sërish).
