Ukrainë/ Rusia lëshon 600 dronë, duke shkaktuar 3 viktima
3 persona në Ukrainë kanë gjetur vdekjen, ndërsa shumë të tjerë janë lënduar, pasi Rusia ka lëshuar 600 dronë në të gjithë territorin e vendit. Sulmi rus ishte tejet i kordinuar, duke pasur si objektiv kryesor Kievin.
Dy nga viktimat u vranë në Kiev, ndërsa një grua vdiq në rrethinat e tij. Sulmi u krye me raketa aerobalistike Kh-47M2 Kinzhal, kruz Kh-101/Iskander-K, Iskander-M dhe katër raketa të Kh-59/69.
Turqi/ Zbulohet statuja 1,800-vjeçare
Një statujë 1,800-vjeçare u zbulua në Blaundo, Turqi. Arkeologët e zbuluan statujën e lashtë në stadiumin 2,000-vjeçar të vendit, i cili mendohet të jetë ndërtuar nga ushtarët maqedonas që u vendosën në Turqi gjatë fushatës anadollake nën sundimin e Aleksandritt ë Madh.
Statuja u gjet e murosur në stadium. Ajo nuk ka kokë, krahë apo këmbë dhe u transferua në Muzeun Usak që të ruhet. Sipas Serif Soyler, kreu i gërmimeve dhe drejtor i muzeut, statuja është një figurë burri, 87 cm e lartë dhe 47 cm e gjerë.
Edi Rama flet për rritjen e pensioneve dhe shpërblimin e fundvitit
Kryeministri Edi Rama foli në podkastin e tij “Flasim” për shpërblimet e fundvitit për pensionistët, duke shpjeguar se pensionet deri në 20,000 lekë do të marrin shpërblim prej 150 eurosh, ndërsa pensioni mbi këtë vlerë do të shpërblehet me 100 euro.
“Kush ka një pension deri në 20 mijë lekë të reja do të marrë një shpërblim 150 euro, ndërsa kush e ka pensionin mbi 20 mijë lekë të reja do të shpërblehet me 100 euro”, u shpreh kryeministri, duke theksuar se edhe do të ketë rritje nga janari i vitit pasardhës. Më tej, në janar të vitit 2027, pensionet do të dyfishohen, duke u rritur çdo vit.
Melania Trump krijon kompaninë e re të prodhimit të filmave
Melania Trump ka bërë me dije se ka krijuar një kompani të re për prodhimin filmik, të quajtur Muse Films, një projekt që mbështetet nga një marrëveshje me Amazon. Vlera e projektit është 40 milionë dollarë.
Zonja e Parë e dha lajmin në X, duke publikuar një promo zyrtare të dokumentarit të saj “Melania”, që do të shfaqet në kinema më 30 janar 2026. Po ashtu, njoftoi lançimit e biznesit të ri.
