Google Images
Ish-deputeti i Partisë Demokrate, Ervin Salianji, është liruar me kusht nga burgu, pas vendimit të marrë nga Gjykata e Fierit. Ish-deputeti përfundoi 2/3 e dënimit të dhënë. Ai u burgos në shtator të vitit 2024.
Shërbimi i provës paraqiti një raport pozitiv për sjelljen e tij gjatë dënimit dhe më pas, u vendos për një lirim të parakohshëm të Ervin Salianji, i cili mund ta lërë që sot qelinë e burgut.
Më 26 shtator 2024, Gjykata e Apelit e dënoi me 1 vit burg Ervin Salianjin për “kallëzim të rremë”, pasi pretendoi se ai ka denoncuar në mënyrë të padrejtë Geron Xhafën, vëllain e ish-ministrit Fatmir Xhafa.
Partia Demokratike ka njoftuar se Salianji do të japë një konferencë për mediat në orën 17:00 në selinë blu.
