Aktivistët kanë duartrokitur lirimin nga burgu të një studenteje saudite, e cila u dënua me 34 vjet burg për postime në Twitter në mbështetje të grave,
Salma al-Shehab, 36 vjeç, mësohet se është larguar nga burgu në Arabinë Saudite dhe është ribashkuar me dy fëmijët e saj të vegjël, të cilët nuk i ka parë fare gjatë këtyre katër viteve. Pasi doli nga burgu, Salma mori vesh se bashkëshorti ishte divorcuar me të, por ajo nuk ishte informuar.
Salma, e cila ishte studente e stomatologjisë dhe kandidate për doktoraturë në Leeds University, u arrestua gjatë pushimeve në Arabinë Saudite në janar 2021. Aktivistët thonë se ajo u mbajt në izolim për më shumë se nëntë muaj përpara se të dilte para gjykatës.
Ajo u dënua fillimisht me tre vjet burg për "krimin" e përdorimit të një faqe interneti për "të shkaktuar trazira publike dhe për të prishur sigurinë civile dhe kombëtare". Më vonë u dënua me 34 vjet edhe për krime të tjera te supozuara, si “bashkëpunimi me ata që duan të shkaktojnë trazira publike”.
Amnesty International tha se "krimi" i saj nuk ishte më shumë se "postimi në Twitter në mbështetje të të drejtave të grave".
Burimi: Guardian
