Jeni ndjerë ndonjëherë sikur nuk mund të flini nëse nuk jeni mbuluar, ndonëse mund të jenë ditët më të nxehta të vitit? Mos u shqetësoni, nuk jeni të vetmet!
Për të shpjegur se pse ndodh, le t'i hedhim një sy gjetjeve të psikologjisë dhe shkencës për këtë "dukuri".
Fjetja e mbuluar nuk është vetëm një çështje zakoni apo rehatie. Sipas ekspertëve, ndjenja e të qenit i mbuluar aktivizon sistemin nervor parasimpatik, i cili nxit relaksimin dhe ul vigjilencën në trupin tonë.
Në fakt, hulumtimi nga Departamenti i Anesteziologjisë i Universitetit të Kalifornisë, i publikuar në vitin 2011, zbuloi se presioni i ushtruar nga batanijet mund të ndihmojë në lehtësimin e dhimbjeve kronike dhe përmirësimin e cilësisë së gjumit.
Përveç kësaj, studiuesit nga Universitetet Flinders dhe Adelaide kanë zbuluar se batanijet dhe jorganët në përgjithësi mund të zvogëlojnë ankthin dhe depresionin tek të rriturit, duke ofruar një ndjenjë qetësie dhe relaksi.
Megjithatë, ka edhe përjashtime. Edhe pse batanijet përdoren shpesh për fëmijët me ADHD ose me çrregullim të spektrit të autizmit, nuk ka të dhëna të mjaftueshme shkencore për të mbështetur efektivitetin e tyre në të gjitha rastet. Në disa situata ata mund të rrisin stresin në vend që ta zvogëlojnë atë.
Pra, herën tjetër që të pyesni veten pse nuk mund të ndaheni me batanijen tuaj, kujtoni se ajo mund të jetë ‘çelësi’ për një gjumë më të qetë dhe cilësor!
Artikuj të sugjeruar:
