Ka disa gjëra në jetë që janë rreptësisht të ndaluara, si p.sh: t’i vjedhësh akulloren dikujt. Por, nëna e një djali 4-vjeçar në Wisconsin shkeli këtë rregull dhe vogëlushi i dha një mësim të mirë: telefonoi policinë.

Policia u vu në lëvizje pasi 911 mori një telefonatë, ku 4-vjeçari telefonoi për të thënë se nëna e tij duhej të burgosej.

“Mami im ka bërë diçka të keqe,” i tha ai operatorit të 911-ës, sipas një audio-regjistrimi të siguruar nga CNN.

Më tej, oficerët shkuan në shtëpinë e vogëlushit për t’u siguruar se ngrënia e akullores nuk ishte një justifikim i 4-vjeçarit për një situatë më serioze.

Kur oficerët mbërritën, djali e konfirmoi që e ëma kishte ngrënë akulloren dhe kërkoi përsëri që ajo të shkonte në burg për këtë, sipas policisë. Policia thotë se ai ra përfundimisht dakord që të mos padiste të ëmën, duke thënë se nuk donte që ajo të shkonte pas hekurave. Kërkesa e tij e vetme ishte kjo: “Dua akullore!”

Dy ditë më vonë, oficerët e surprizuan duke u shfaqur në shtëpinë e vogëlushit me akullore.

Shënim: Mos harroni t’jua nisni këtë artikull prindërve apo motrave/vëllezërve që hanë copën tuaj të tortës.

Burimi: CNN