Edhe nëse dëshira është në kulmin e saj, një përvojë e plotë dhe kënaqësie seksuale nuk mund të ndodhë vetëm në dhomën e gjumit. Loja fillon shumë më përpara, që në momentin kur ekziston dëshira dhe pëlqimi i të dy partnerëve.
Ka shumë mënyra për të përmirësuar paralojën, por a keni menduar ndonjëherë çfarë do të ndryshonte nëse i kushtonit pak kohë edhe përgatitjes para saj?
Një ritual i mirë-menduar para seksit ndihmon të largosh lodhjen e ditës, të rritësh vetëbesimin dhe lidhjen me partnerin, duke ulur ankthin dhe shtuar eksitimin. Nuk bëhet fjalë për rregulla strikte, por për krijimin e një hapësire ku çdo moment përjetohet më thellë dhe me dëshirë.
Ja tetë ide të thjeshta që mund t’ju ndihmojnë ta shijoni më shumë intimitetin:
Ndizni një qiri
Aroma e qiririt mund të krijojë një atmosferë magjike. Zgjidhni një aromë që lidhet vetëm me momentet intime dhe krijoni një sinjal të veçantë dëshire.
Krijoni një playlist sensuale
Muzika zgjon trupin dhe mendjen. Krijoni së bashku një listë këngësh erotike që ju eksitojnë.
Flisni hapur
Komunikoni çfarë dëshironi dhe prisni nga partneri. Flisni për përqafimet, masazhet, dhe planet pas seksit si një dush relaksues apo një film.
Vendosni një synim
Zgjidhni një fjalë ose frazë që përfaqëson dëshirën tuaj, si “pasion” apo “kënaqësi”. Kjo do t’ju ndihmojë të fokusoheni dhe të krijoni pritshmëri pozitive.
Aromatizoni çarçafët
Spërkatini me parfumin tuaj të preferuar. Aromat si trëndafili, sandali, jasemini apo vanilja kanë efekt afrodiziak dhe i japin një dimension të ri intimitetit.
Freskohuni me një pije të veçantë
Një koktejl pa alkool me fruta të freskëta do të zgjojë shqisat dhe do të shtojë një element të ri në ritualin tuaj.
Eksploroni përmbajtje erotike
Një film, tregim apo audio erotike mund të ndihmojë trurin të “eksitohet” dhe të shtojë nivelin e dëshirës seksuale.
Bëni një dush relaksues
Një dush me aromë të mirë dhe kujdes për trupin rrit vetëbesimin dhe freskon trupin. Ky ritual është i shkëlqyer edhe pas aktit.
