Jessie J ka njoftuar se do t’i duhet të shtyjë turneun, pasi do t'i nënshtrohet një ndërhyrjeje të dytë kirurgjikale si pjesë e trajtimit të saj për kancerin e gjirit.
Këngëtarja postoi një video në llogarinë e saj personale në Instagram të enjten, më 28 gusht, dhe tha:
"Fatkeqësisht, duhet t'i nënshtrohem një ndërhyrjeje të dytë kirurgjikale, jo diçka shumë serioze, por duhet të bëhet para fundit të vitit. Dhe për fat të keq kjo përkon me turneun që kisha planifikuar."
Turneu i saj në Mbretërinë e Bashkuar dhe Europë, i cili ishte planifikuar për në tetor, do të zhvendoset në prill 2026. Nga ana tjetër, koncertet në SHBA, të cilat ishin planifikuar për në nëntor, janë anuluar.
"Më vjen keq që kjo po ndodh. Ndihem e zhgënjyer dhe e trishtuar. Duhet të shërohem dhe mendoj se ky është vendimi i duhur për mua", shtoi ajo.
View this post on Instagram
Gjashtë javë pasi iu nënshtrua një operacioni për kancerin e gjirit, Jessie J u dërgua me urgjencë në spital me një infeksion në mushkëri. Këngëtarja 37-vjeçare, e cila njoftoi në qershor se ishte diagnostikuar me kancer në fazë të hershme, më vonë njoftoi se "kanceri ishte hequr plotësisht", por fatkeqësisht ajo u dërgua me urgjencë në spital, më 2 gusht.
Siç shpjegoi vetë, këngëtarja shfaqi simptoma që tregonin një mpiksje gjaku në mushkëri.
"Nuk është mpiksje gjaku, falë Zotit. Pati shumë teste që treguan një infeksion në mushkëri.”
