Pete Davidson është i njohur për humorin e tij të veçantë, por edhe për listën e gjatë të lidhjeve me gra të famshme si Kim Kardashian, Ariana Grande dhe Kate Beckinsale. Megjithatë, në një intervistë të fundit në “The Drew Barrymore Show”, ai bëri një rrëfim që la shumë njerëz të habitur: në një lidhje, ai ndihet më shumë si “vajza”.
Teksa diskutonte për romancën, Drew Barrymore e pyeti nëse ai mendon që një vajzë duhet të bëjë hapin e parë kur i pëlqen dikush. Pa u menduar dy herë, Davidson u përgjigj: “Mendoj se unë jam vajza në çdo lidhje që kam pasur. Disa djem janë të turpshëm dhe e pëlqejnë kur një vajzë u drejtohet e para.”
Barrymore mbeti e shtangur dhe e pyeti nëse atij i pëlqen që gratë të jenë më të sigurta dhe të marrin iniciativën. “Po, më pëlqen,” u shpreh ai, duke shtuar se është rritur në një shtëpi me gra dhe për këtë arsye ka disa tipare më të buta në sjellje.
Pavarësisht se emri i tij lidhet gjithmonë me histori dashurie të bujshme, Davidson ka deklaruar se nuk dëshiron të njihet si “ai dështaku që vetëm del me njerëz të famshëm”. Por, me këtë qasje kaq të sinqertë ndaj dashurisë, nuk është çudi që gjithmonë tërheq vëmendjen e grave të fuqishme.
