Ryan Reynolds bëri një shaka për trazirën Lively - Baldoni, por askush nuk u shkri gazit kësaj here

Ryan Reynolds u përpoq të trajtojë me humor dhe betejën e ashpër ligjore mes Blake Lively-t me Justin Baldonin në 'SNL 50', duke u shfaqur shkurtimisht teksa Tina Fey dhe Amy Poehler po komunikonin me audiencën.

Ikonat e "Saturday Night Live" e pyetën Ryan-in: "Si po shkon?" për të cilën ai u përgjigj: "Shkëlqyeshëm! Pse, çfarë keni dëgjuar?" duke dridhur zërin qëllimisht.

Në krah të Reynolds mund të shihet Blake me një buzëqeshje vesh më vesh gjatë këtij momenti, edhe pse ajo dukej sikur kishte parë një fantazmë kur moderatoret i drejtuan pyetjen retorike në fillim bashkëshortit të saj.

Ndonëse audienca, shtuar dhe efektet speciale, bëjnë të dëgjohen të qeshura në sallë, s'mund të mohohej elefanti në dhomë, me prezencën e sikletshme të çiftit, shtuar zgjedhjes së Ryan për të dalë para kamerave.

Natyrisht, drama e tij dhe e Blake me aktorin e "It Ends With Us" ka qenë në qendër të vëmendjes dhe asnjëra palë nuk ka treguar ndonjë shenjë të uljes ndaj presioneve nga pala tjetër.

Siç e dini, Blake Liveli paditi yllin e "Jane the Virgin", Justin Baldoni, për ngacmim seksual të dyshuar në sheshxhirim dhe për komplot me ekipin e tij të marrëdhënieve me publikun për të ulur reputacionin e saj.

Baldoni u kundërpërgjigj duke ngritur një padi prej 400 milionë dollarësh kundër çiftit, plus publicistit të tyre, Leslie Sloane mbi pretendimet për shpifje dhe zhvatje civile. Padia e tij masive erdhi pasi ai gjithashtu paditi New York Times me 250 milionë dollarë për pretendimin se kishin punuar me Blake dhe Ryan për të njollosur publikisht emrin e tij.

Artikuj të sugjeruar:

Burimi: TMZ