Selena Gomez duket se vetëm së fundmi ka qenë gati për të pranuar Benny Blanco-n si partnerin e saj.
Në një intervistë të përbashkët për revistën Interview, ylli i Disney Channel dhe i fejuari i saj folën për marrëdhënien e tyre, mënyrën se si u takuan dhe ndanë detaje rreth unazës së saj të fejesës.
Kur u pyet për këshilla për marrëdhënien, Gomez tha se nuk mendonte se "jeta ishte treguar ndonjëherë bujare me të", përveç ardhjes së Blanco-s në jetën e saj. "Perspektiva ime për këtë, në një mënyrë të thjeshtuar, është se unë në fakt ndihem e vlerësuar. Ndihem e parë. Ndihem e respektuar. Dhe mendoj se kjo është gjithçka që kam dashur."
Gomez vazhdoi: "Kam qenë disi vetëm në botë. Isha vetëm për pesë vjet para se të lidheshim dhe mendoj se kjo më ndihmoi vërtet të vlerësoja dikë si Benny."
“Ai çuditet kur e them këtë, por sinqerisht, 10 vjet më parë, unë nuk isha në një periudhë të jetës time ku mund të kisha pranuar llojin e durimit, llojin e dashurisë së pakushtëzuar që ai më jep”, sqaroi ajo.
Ndërkohë Blanco foli për rëndësinë e dëgjimit të partnerit. “Grua e lumtur, jetë e lumtur,” u shpreh ai.
Gomez dhe Blanco - të cilët u takuan në vitin 2013 përmes nënës së Gomez, Mandy Teefey - filluan lidhjen e tyre në vitin 2023. Ata njoftuan fejesën e tyre në dhjetor të vitit 2024.
Të enjten, më 13 shkurt, çifti njoftoi një bashkëpunim muzikor . “I Said I Love You First”, albumi i parë që ata kanë bërë së bashku, publikohet më 21 mars. Kënga e parë nga albumi, "Scared of Loving You" tashmë është në dispozicion për t'u transmetuar.
Artikuj të sugjeruar:
- Tapeti i kuq i BAFTA Awards 2025: Si u veshën yjet
- Albumi i ri i Selena Gomez është gati dhe do të publikohet në këtë datë
- Selena Gomez dhe Jennifer Aniston rikrijojnë skenën ikonike të “Friends”
- Selena Gomez i përgjigjet politikanit që kërkoi deportimin e saj
- Mbështjetja që i jep Benny Blanco Selena-s është ajo që kërkon çdo vajzë nga partneri i saj *.*
Burimi: People
