Sir Michael Gambon, i njohur për rolin e tij si Dumbledore në sagën e “Harry Potter” ndërroi dje jetë, në moshën 82-vjeçare, duke na rikujtuar që njerëzit që e kanë bërë më të bukur fëmijërinë tonë, po ndahen nga jeta. Nisur nga kjo, pyetëm ndjekësit se humbja e cilit V.I.P i ka trishtuar më së shumti dhe na dhanë këto përgjigje:
Michael Jackson
Michael Jackson, i lindur më 29 gusht 1958 është një prej ikonave më të rëndësishme të muzikës pop. I njohur edhe si “Mbreti i Pop-it”, Jackson është një prej figurave me më shumë ndikim në historinë e shek.20. Këngëtari, për 4 dekada, kontribuoi në fushën e muzikës dhe kërcimit, duke sjellë risi absolute në industrinë e muzikës.
Ai është edhe personi që popullarizoi më shumë lëvizjen e kërcimit “moonwalk”, e njohur edhe si “robot”.
Jackson vdiq më 25 qershor 2009, 3 javë para se të zhvillonte koncertin e tij në Londër, ku u shitën në kohë rekord të gjitha biletat. Vdekja e tij erdhi si pasojë e përzierjes së substancave si propofol dhe benzodiazepine. Ai kaloi në overdozë nga përdorimi i ilaçeve.
Whitney Houston
Whitney Houston lindi më 9 gusht 1963 dhe ndërroi jetë më 11 janar, 2012. Ajo është një prej këngëtareve që ka shitur më shumë albume në historinë e muzikës. Me mbi 200 milionë kopje të shitura ndërkombëtarisht, Houston është konsideruar si një divë e muzikës.
Houston ka frymëzuar mijëra artistë me zërin e saj të fuqishëm dhe vokalin fantastik.
Ajo u gjet e pajetë më 11 shkurt, në një vaskë në Beverly Hilton. Sipas policisë, nuk kishte shenja dhune apo ndërveprimi me ndonjë kriminel, megjithëse shkaqet e vdekjes së saj ende s’janë bërë publike.
Tina Turner
Tina Turner lindi më 26 nëntor 1939. Ajo e nisi karrierën e saj në vitet 1950, duke kënduar këngë të rrymës Rock and Roll dhe shpejt, u kthye në një superyll. Ajo u cilësua si një ndër këngëtaret më të mira, falë talentit të saj të jashtëzakonshëm. Tina njihet për këngë të fuqishme dhe domethënëse, si dhe për stilin e saj ikonik.
Ajo ishte përkufizimi i një vajze guximtare, tipike e viteve ’80, me flokët që binin në sy, minifunde, xhaketa cropped dhe stiletto të larta.
Këngëtarja, e cilësuar edhe si “mbretëresha e Rock ‘n’ Roll”, eksperimentoi me stilin e saj, duke kaluar që nga baladat e deri te këngët alla hippie, të cilat flisnin për lirinë individuale.
Këngëtarja amerikane Tina Turner është ndarë sot nga jeta në moshën 83-vjeçare, duke lënë pas një histori dhe trashëgimi të paharrueshme në muzikë.
Robin Williams
Robin Williams lindi më 21 korrik 1951 dhe fatkeqësisht, u nda nga jeta më 11 gusht 2014. Ai është ndër aktorët më të dashur në kinematografinë botërore dhe ka arritur të bëjë miliona njerëz të buzëqeshin përmes roleve të tij. Robin është cilësuar si një prej komedianëve më të mirë të të gjitha kohërave.
Më 11 gusht 2014, ai u gjet i pajetë në shtëpinë e tij në Paradise Cay, Kaliforni. Shkaku i vdekjes, sipas autopsisë, ishte vetëvarja. Raportet mjekësore treguan se Robin vuante nga depresioni dhe ankthi.
Princeshë Diana
Princeshë Diana, e cila mbante dhe titullin “princesha e Uellsit”, lindi më 1 korrik 1961 dhe ndërroi jetë në një aksident automobilistik më 31 gusht, 1997. Diana është një prej figurave më të rëndësishme të familjes mbretërore në Mbretërinë e Bashkuar.
Ajo njihet masivisht si “princesha e popullit”, për shkak se shpeshherë la pas rregullat mbretërore dhe u afrua me popullin dhe njerëzit në nevojë.
David Bowie
David Bowie (Jones) lindi më 8 janar 1947 dhe ndërroi jetë më 10 janar 2016. Ai njihet me emrin e artit David Bowie dhe ka qenë një prej figurave më me shumë ndikim në fluiditetin dhe lirinë individuale.
Bowie vdiq nga kanceri në mëlçi në shtëpinë e tij në New York më 10 janar 2016. Ai u diagnostikua me sëmundjen e rëndë 1 vit e gjysmë para vdekjes dhe nuk e tha publikisht se vuante nga kjo sëmundje. Ai vijoi të punonte me përkushtim edhe në ditët e fundit të jetës.
Amy Winehouse
Amy Winehouse lindi më 14 shtator 1983 dhe ndërroi jetë më 23 korrik 2011. Ajo është një prej këngëtare mjaft e njohur në rrymën soul, blues, reggae dhe jazz. Zëri i saj është dallues, karakteristik dhe ka frymëzuar shumë artistë.
Amy ndërroi jetë në shtëpinë e saj. Truproja ishte personi që ndenji me të para, gjatë dhe pas vdekjes së këngëtares. Ai tha se pak para vdekjes, ajo po qeshte, dëgjonte muzikë dhe po shihte TV. Më pas, u shtri në shtrat dhe truproja shkoi ta kontrollonte, por nuk nuhati asgjë të dyshimtë. Më vonë, ai sërish e kontrolloi dhe pa se këngëtarja nuk pati puls dhe nuk merrte frymë.
Dy ambulanca mbërritën në shtëpinë e saj. Ajo ndërroi jetë në moshën 27-vjeçare, duke iu bashkuar 27Club, grupit të artistëve që kanë ndërruar jetë në këtë moshë.
Alan Rickman
Alan Rickman lindi më 21 shkurt 1946 dhe ndërroi jetë më 14 janar, 2016. Ai njihet për rolet e tij fenomenale në filma si: “Die Hard”, “Robin Hood: Prince of Thieves”, “Truly, Madly, Deeply”, “Sense and Sensibility”, “Harry Potter”, “Sweeney Todd”, “Alice in Wonderland”, “Eye in the Sky” dhe “Alice Through the Looking Glass”.
Ai vuante nga një sëmundje e rëndë dhe nderimet për vdekjen e tij u krahasuan me atë të David Bowie. Njësoj si këngëtari, edhe Alan nuk e bëri publike diagnozën e tij.
Heath Ledger
Heath Ledger lindi më 4 prill 1979 dhe vdiq më 22 janar 2008. Ai lindi në Australi dhe njihet masivisht për rolin e tij si Joker në “The Dark Knight”.
Më 22 janar 2008, ai u gjet i pajetë nga kujdestarja e shtëpisë dhe terapistja, Diana Wolozin. 7 minuta më vonë, mbërriti stafi i emergjencës shëndetësore dhe panë se aktori nuk kishte shënja jete. Në orën 15:36, ai u shpall i vdekur dhe sipas ekzaminimeve, në trupin e tij u gjetën oxydone, hydrocodone, diazepam, temazepam, alprazolam dhe doxylamine. Aktori ishte 28 vjeç kur ndërroi jetë.
Paul Walker
Paul Walker lindi më 12 shtator 1973 dhe ndërroi jetë më 20 nëntor 2013. Aktori amerikan njihet gjerësisht për rolin e Brian O’Conner në sagën “Fast & Furious”.
Më 30 nëntor, aktori, 40 vjeç dhe miku i tij, Roger Rodas, 38 vjeç, u përfshinë në një aksident në rrugën e Valencia-s. Makina u përplas me dy pemë dhe shkaktoi vdekjen e tyre. Ëalker ndërroi jetë nga efektet e frakturave të shumta dhe djegieve. Të dy trupat u dogjën në mënyrë të atillë, sa nuk mund të identifikoheshin.
Kobe Bryant
Kobe Bryant lindi më 23 gusht 1978 dhe ndërroi jetë më 26 janar 2020. Ai është një ndër basketbollistët më të mirë në botë dhe në karrierën e tij 20-vjeçare ka luajtur për ekipin LA Lakers dhe për NBA. Bryant ka fituar një sërë çmime dhe ka inspiruar shumë të rinj basketbollistë në mbarë botën.
Ai ndërroi jetë së bashku me vajzën në një aksident ajror. Helikopteri i tyre u përplas në makin e Calabasas, 48 km në veriperëndim të Los Angeles. Bryant, e bija dhe 7 pasagjerë të tjerë vdiqën në vend.
Avicii
Avicii, emri i vërtetë i të cilit është Tim Bergling, lindi më 8 shtator 1989 dhe ndërroi jetë më 20 prill 2018.
Muzikanti 28-vjeçar u gjet i pajetë më 20 prill në Muscat, Oman, ku po pushonte me miqtë.
Forcat policore të Omanit nuk gjetën asgjë të pazakontë rreth vdekjes. Sidoqoftë, shkaku i vdekjes s’është bërë ende publik. Por, sidoqoftë, në një deklaratë për mediat, familja tha se Avicii donte paqe dhe nuk mund të vazhdonte më kështu. “E mundonin shumë mendimet për jetën, kuptimin e saj, lumturinë.”
Avicii vuante nga pankreatiti akut, shkaktuar nga konsumimi i tepërt i alkoolit.
Chadwik Boseman
Chadwick Boseman lindi më 29 nëntor 1976 dhe ndërroi jetë më 28 gusht, 2020. Ai ka fituar një sërë çmimesh për kontributin e tij në kinema, përfshirë Golden Globe dhe Emmy.
Boseman, u nda nga jeta si pasojë e një sëmundjeje të pashërueshme, në shtëpinë e tij në Los Angeles, i rrethuar nga familjarët. Prej 4 vitesh, aktori po luftonte me kancerin, por diçka e tillë nuk u bë kurrë publike. I njohur për filmat me superheronj, ikja e parakohshme e Chadwick ka shokuar fansat.
Chester Bennington
Chester lindi më 20 mars 1976 dhe u nda nga jeta më 20 korrik 2017. Ai ishte vokalisti i grupit të njohur Linkin Park dhe vdekja e tij befasoi botën.
41-vjeçari u gjet i vetëvarur në shtëpinë e tij në Los Angeles në orën lokale 9:00 të mëngjesit. Këngëtari prej vitesh abuzonte me substancat narkotike dhe alkoolin. Fatkeqësisht, Chester vrau veten disa muaj pas vdekjes tragjike të mikut të ngushtë.
Angus Cloud
Angus Cloud lindi më 10 korrik 1998 dhe ndërroi jetë më 31 korrik 2023. Ai u bë i famshëm në “Euphoria” duke luajtur rolin e shpërndarësit të drogës Fezco "Fez" O'Neill dhe shumë shpejt u shndërrua në një nga personazhet e preferuar të fansave të serialit.
Ai nuk kishte lidhje me aktrimin para se të merrte pjesë në “Euphoria”. Angus po ecte në rrugë në New York kur Eléonore Hendricks, e cila rekruton talente, e vuri re. Cloud ishte skeptik në fillim, duke dyshuar për një mashtrim. Më pas, drejtoresha e kastit të aktorëve, Jennifer Venditti, u takua me të dhe krijuesi i serialit, Sam Levinson, përfundimisht e bëri një yll të “Euphoria” për dy sezonet e para.
Shkaku i vdekjes së Cloud ishte "helmimi akut" për shkak të "efekteve të kombinuara të metamfetaminës, kokainës, fentanilit dhe benzodiazepinave".
