Ju ka bllokuar ish-i juaj në mediat sociale? Nuk je as i pari dhe as i fundit, ndonëse u habitët, duke qenë se u ndatë miqësisht.
Pra, cila është arsyeja e vërtetë pas bllokimit?
Psikoterapisti Jeff Guenther argumenton se bllokimi i një ish-i nga mediat sociale është vetëm një mënyrë tjetër për t’u përballur me një ndarje. Është e natyrshme që nuk mund të harroni sepse fytyra e ish-it tuaj është vazhdimisht pjesë e mendimeve tuaja, ndaj bllokimi të paktën nuk do e bëjë pjesë edhe të ekranit tuaj të telefonit. Në fakt, Guenther argumenton se ne as nuk kemi nevojë që dikush të na paralajmërojë për këtë veprim: Ai thjesht mund të vazhdojë me jetën e tij – dhe është mirë që ne të bëjmë të njëjtën gjë.
Terapistja Leah Aguirre, duke folur për të njëjtën çështje, thekson se sa lehtë dikush mund të rrëmbehet dhe të fillojë të shikojë se çfarë po bën ish-i në rrjetet e tyre sociale. Kjo mund të tregojë interes njerëzor, por në shumë raste pengon procesin e ndarjes, pasi ofron shumë mundësi për komunikim.
Bllokimi i personit tjetër nga përditshmëria jonë virtuale na ndihmon të kuptojmë se kjo marrëdhënie ka marrë fund dhe nuk lë vend për të krijuar skenarë hipotetikë në kokën tonë, të cilat zakonisht shkaktohen nga ndonjë stimul audio-vizual (foto me një person që nuk e njohim, etj.). Pra, është çështje kufijsh dhe çdo kufi është i mirë kur na ndihmon të ecim përpara si njerëz.
Sidomos në rast se një marrëdhënie ka përfunduar në mënyrë të palavdishme dhe njëra palë nuk ka kaluar shumë mirë gjatë saj, është e nevojshme të bllokohet personi tjetër, në mënyrë që të fillojë procesi i shërimit të çdo traume të krijuar. Kujtimet e këqija duhet të ikin, kështu që fillimisht ish-i duhet të largohet nga lista e njerëzve që ndjekim dhe po na ndjekin.
Sipas një artikulli nga Universiteti i New Hampshire, është e rëndësishme të mos ndryshni shprehjen e ndjenjave pas një ndarjeje. Ndaj në këtë kontekst, të gjithë kanë mekanizma të ndryshëm reagimi. Në të njëjtin artikull, injorimi i përgjithshëm nga mediat sociale, sit ë mos hapurit “Instastory”, apo edhe përdorimi i kufizuar i tyre përmendet si këshillë. Në këtë mënyrë, mendja e personit të ndarë mund të shpëtojë nga mendimet që lidhen me marrëdhënien dhe kohët e mira të saj, duke lënë ngadalë të kaluarën aty ku duhet.
"Përqendrohuni në përvojat e reja," thotë artikulli.
Kjo mund të ndodhë vetëm përmes një – ose më shumë – blloqeve. Për sa kohë që ndalimi bëhet në jetën reale, që të gjithë të ecin përpara, nuk ka asgjë të keqe që të bëhet edhe online.
Pra, nëse e gjeni veten të bllokuar, mos u mërzisni, por shikojeni si hapin e duhur për të vijuar me jetën tuaj pa praninë e tij qoftë edhe virtualisht.
Artikuj të sugjeruar:
