Surprizë! Justin publikon albumin e ri! *.*

Getty

Adoleshenca na u rikthye para syve! Justin Bieber do të publikojë sot (11 korrik) një album të ri, të emëruar “SWAG”. Sipas raportimeve në The Hollywood Reporter, albumi i ri i Justin do të jetë nën logon e shtëpisë diskografike “Def Jam”.

Albumi erdhi surprizë dhe thashethemet nisën të qarkullojnë kur në Reykjavik të Islandës u shfaqën billboard-e me një portret bardhë e zi të këngëtarit dhe fjalën “SWAG”.

Justin e përforcoi thashethemin, duke postuar në Instagram Stories foto të një billboard-i të ngjashëm në Los Angeles më 10 korrik. Ai gjithashtu publikoi në Instagram fotot e një billboard-i në Times Square, New York me listën e këngëve të albumit të ri. Sipas fotos, albumi do të përmbajë 20 këngë, përfshirë “405,” “Swag,” “All I Can Take” dhe “Dadz Love.”

Po atë ditë, fituesi i Grammy-t postoi në Instagram Stories foto me të shoqen, Hailey dhe djalin e tyre, Jack Blues Bieber.

Sipas burimeve të THR, Justin punoi për pjesën më të madhe të albumit të ri në Islandë, ku organizoi edhe disa regjistrime muzikore me artistë të tjerë si DJ Tay James, HARV, Carter Lang dhe Eddie Benjamin. Burimi gjithashtu zbuloi se albumi do të përfshijë bashkëpunime me Gunna, Sexyy Red dhe Cash Cobain.

Ky projekt shënon albumin e tij të parë të plotë që prej "Justice" të vitit 2021, i cili përfshinte këngë si “Ghost” dhe “Peaches”, me Daniel Caesar dhe Giveon.