Çdo ditë e re është një fillim i ri. Dhe kështu është edhe çdo javë e re. Meqenëse sapo kemi hyrë në një stinë të re, le të shohim se çfarë mund të bëjmë në mënyrë që ta fillojmë javën tonë në mënyrë dinamike dhe me motivim, pasi ku i dihet, ky mund të jetë gjithashtu një fillim i mirë për pjesën tjetër të vitit.
Bëni një listë të gjërave që shkuan keq gjatë ditëve të fundit
Shkruani gjërat që nuk shkuan aq mirë ditët e fundit dhe mendoni për mënyrat se si mund t'i përmirësoni ato. Mbani shënime me ta dhe shënoni çdo ide të re që mund të keni për projektet që doni të bëni. Nëse lista juaj është shumë e gjatë, filloni me tre të parat.
Shkruani detyrat e javës së ardhshme
Planifikoni javën e ardhshme herët (idealisht të premten në mbrëmje ose shumë herët të hënën në mëngjes). Sigurohuni që të shkruani në krye të listës suaj çdo gjë që nuk keni mundur ta bëni ditët e mëparshme, në mënyrë që të keni sa më pak detyra të mbetura pezull.
Ji realist në lidhje me detyrimet e tua dhe sigurohu që të mos e mbingarkosh një orar 8-orësh me punë 24-orëshe. Është e rëndësishme të jesh i saktë në detyrimet e tua, por edhe të mos “mbytesh”.
Organizoni hapësirën tuaj profesionale
Pavarësisht nëse punoni nga shtëpia apo në zyrë, hapësira juaj e punës duhet të jetë e rregullt. Nuk ka asgjë më të keqe sesa të ktheheni në zyrë të hënën në mëngjes dhe të shihni një tryezë të rrëmujshme, me letra, shënime dhe madje papastërti.
Të premten, pak para se të niseni për në shtëpi, pastroni tavolinën, organizoni sendet që iu duhen dhe shënimet që të dini nga t’ia filloni. Ky është një proces i shpejtë që nuk duhet të zgjasë më shumë se gjysmë ore deri në një orë. Në këtë mënyrë, fundjava juaj do të jetë pa mendime dhe stres, dhe puna juaj do të fillojë me qetësi dhe organizim. Kaq mjafton dhe e hëna nuk do të duket aq stresuese.
