Qeveria federale e SHBA-së do të njohë vetëm dy gjini, “mashkull” dhe “femër”, sipas një urdhri ekzekutiv që presidenti Donald Trump nënshkroi të hënën.
Urdhri, i titulluar “Mbrojtja e grave nga ekstremizmi i ideologjisë gjinore dhe rikthimi i së vërtetës biologjike në qeverinë federale”, thotë se “gjinitë nuk janë të ndryshueshme”.
Qeveria federale do të kalojë gjithashtu nga përdorimi i termit "gjini" në "seks" dhe se seksi është "klasifikimi biologjik i pandryshueshëm i një individi", u tha gazetarëve të hënën një zyrtar i administratës Trump.
Urdhri ekzekutiv i Trump do të anulojë përpjekjet e administratës Biden për të qenë më gjithëpërfshirës në lidhje me identitetin gjinor të amerikanëve. Biden u zotua “të rishikonte të gjitha urdhrat, rregulloret, dokumentet udhëzuese, politikat, programet ose veprimet e tjera" që mund të cenonin të drejtat e transgjinorëve.
Që nga viti 2022, qytetarët amerikanë kanë qenë në gjendje të zgjedhin "X" si përcaktim gjinor në pasaporta. Tani, të gjitha agjencitë qeveritare do të sigurojnë që dokumentet zyrtare, duke përfshirë pasaportat, vizat dhe kartat, "të pasqyrojnë me saktësi seksin e mbajtësit".
Disa grupe të të drejtave civile dhe të njeriut u zotuan menjëherë të sfidojnë axhendën e Trump.
Burimet: Guardian, Reuters
