Austin Butler dhe Zoë Kravitz u kapën mat në Paris, goxha të afërt, pas premierës së filmit të tyre "Caught Stealing" në Francë.
Në fotot e siguruara nga Page Six, Austin dhe Zoë dikeshin shumë të lumtur dhe sipas burimeve, po flirtonin në barin e famshëm "Dragon". Në një moment, ata u përqafuan, duke i hedhur edhe më shumë benzinë zjarrit të thashethemeve.
“Ka padyshim kimi mes tyre dhe ata po e shijojnë kohën që po kalojnë bashkë duke promovuar filmin,” tha një burim për Daily Mail.
Burimi shtoi se kjo “nuk është ende një romancë e plotë", por gjithsesi, Austin nuk është në "friend zone".
Bashkëpunimi i tyre në film ishte intensiv,, pasi regjisori Darren Aronofsky njihet për mënyrën si e shtyn aktorin drejt limiteve.
Burimi zbuloi se promovimi i filmit dhe “koha që po kalojnë bashkë pa atë presion, ka qenë një shpërblim për të dy” pas përfundimit të xhirimeve.
Burimi i Daily Mail shpjegoi gjithashtu se aktori i “Dune: Part Two” e konsideron Zoë-n “shumë gallatë.”
“Njerëzit pranë tyre nuk do të habiteshin nëse kjo marrëdhënie do të ecte më tej,” shtoi personi anonim.
Austin, 34 vjeç, më parë ka qenë në një lidhje trevjeçare me modelen Kaia Gerber, vjeç, derisa u ndanë në janar.
Një burim tha për TMZ në atë kohë se nuk kishte hatërmbetje dhe ndarja ishte vendim i përbashkët.
Aktorja e “The Batman”, ndërkohë, i dha fund fejesës me yllin e “Magic Mike”, Channing Tatum, në tetor 2024. Zoë, 36 vjeç dhe Tatum, 45 vjeç, u lidhën për herë të parë në vitin 2021.
