Videoja virale: Shihni momentin kur një njeri gëlltitet i gjithi nga balena

Adrián Simancas ishte mjaftueshëm me fat sa për t’i shpëtuar gjallë sulmit të papritur të një balene.

24 vjeçari po lundronte me një kajak (mjet lundrimi i ngjashëm me një kanoe) në brigjet e Kilit, i shoqëruar nga i ati, kur një balenë doli në sipërfaqe dhe e gëlltiti bashkë me kajakun.

Momenti i frikshëm u filmua nga i ati i 24-vjeçarit, i cili po filmonte rastësisht. Dell Simancas u përpoq t’i jepte zemër të birit në mënyrë që të qëndronte i qetë.

Pak sekonda më vonë, balena e liroi djaloshin, që për fat të mirë shpëtoi i padëmtuar.