Ndoshta edhe ju, ashtu si ne, as nuk mbani mend se sa palë xhinse keni në garderobë, e megjithatë ato janë gjëja e parë që jeni të gatshme të blini kur ndryshon çdo stinë dhe shfaqen silueta të reja.
Nëse doni të dilni nga ky rreth vicioz, bëni një marrëveshje me veten: Çdo gjë që hyn në dollapin tuaj nga tani e tutje duhet të jetë një investim (gjë që nuk do të thotë domosdoshmërisht se duhet ta teproni). Është koha të kërkoni palën perfekte të xhinseve që do t'i vishni vazhdimisht.
Për t'ju ndihmuar, kemi krijuar një listë me të gjitha siluetat e xhinseve që mund t’i vishni shuuuumë herë pa bërë kompromis me rehatinë apo stilin.
Xhinse të gjera
Xhinset "boyfriend" janë versioni më i mirë për vajzat "cool". Kombinohen lehtësisht me gjithçka, nga një bluzë dhe atlete te një xhaketë dhe këpucë me taka "kitten heels".
Xhinset e drejta
Xhinset e drejta mund të mos duken të bukura në shikim të parë, por ne mendojmë se janë stili më i rëndësishëm që mund të keni në dollapin tuaj. Ndonëse duket se kanë nga moda, xhinset e drejta janë aleati i duhur për t’i veshur me çizme.
Prerja "fuçi" (barrel leg)
Kjo siluetë paksa e fryrë nuk ka ndërmend të largohet nga moda. Xhinset me formë “fuçie”, kur zgjidhen siç duhet, i japin karakter veshjes pa qenë të ekzagjeruara.
Xhinset e bardha
Për disa janë të vështira për t'u kombinuar, për të tjerë pak të frikshme për t’u veshur. Këshilla jonë? Filloni me një palë xhinse në ngjyrë qumështi. Janë të shkëlqyera për veshje dimërore "total white".
Xhinset e zeza
Në ndërtimin e një koleksioni bazë xhinsesh, një palë të zeza janë të domosdoshme. Zgjidhni një nuancë të thellë, si gri e errët ose kafe, duken më moderne dhe janë të lehta për t’u kombinuar.
