Foto: Brooklyn Beckham/ Reuters

Brooklyn Beckham ka vendosur të flasë publikisht për dramën familjare që ka dominuar mediat kohët e fundit, duke theksuar se gruaja e tij, Nicola Peltz Beckham, ka qenë gjithmonë mbështetëse. (kanë lidhur kërthizë bashkë!!!)

“Gjithmonë do të ketë njerëz që thonë gjëra negative, por unë kam një grua që më mbështet,” tha ai për Daily Mail të mërkurën. “Unë dhe ajo thjesht bëjmë punën tonë, mbajmë kokën ulur dhe punojmë. Dhe jemi të lumtur.”

Brooklyn, që sipas burimeve ka ndërprerë kontaktin me prindërit David Beckham dhe Victoria Beckham, e quajti gjithë zhurmën për grindjen “rrëmujë” dhe shtoi se çdo gjë që thonë të tjerët nuk i ndikon. Ai shpjegoi se po mundohet të përqendrohet te golfi, duke kaluar kohë me miqtë e tij dhe duke gjetur kënaqësi në gjëra të thjeshta, gjëja më normale që bëjmë të gjithë kur shkatërrohet marrëdhënia me njerëzit më të rëndësishëm të jetës sonë apo jo?

Për më tepër, Brooklyn ka pranuar se gjatë kësaj periudhe është afruar më shumë me familjen e gruas së tij, përfshirë miliarderin Nelson Peltz dhe bashkëshorten e tij Claudia, duke theksuar se kjo e ka ndihmuar të qëndrojë i qetë dhe i përqendruar. Ai gjithashtu tha se do të kthehet së shpejti në Los Angeles për të qenë pranë Nicola-s dhe katër qenve të tyre, ndërsa vazhdon të punojë. :)

Grindjet brenda familjes Beckham filluan kur u raportua se Brooklyn kishte ndërprerë kontaktin me vëllain e tij, Romeo Beckham, për shkak të lidhjes së Romeo-s me Kim Turnbull. Megjithatë, burimet e brendshme insistojnë se të gjithë të njohurit me Beckham-ët e dinë që janë prindër të dashur, të përkushtuar dhe të mrekullueshëm.

Kështu, i japim zyrtarisht Brooklyn Beckham-it titullin “pasanik i përkëdhelur”, që ndërsa grindjet familjare mbeten të hapura (për hiçgjë), ai përqendrohet te komoditeti dhe privilegjet e tij, duke u dukur i paprekshëm nga tensionet që e rrethojnë. Jo faleminderit!