Moda ka kohë që i ka kthyer veshjet që supozohej se ishin intime në trend, duke nisur nga fustanet e satenit e deri te fundet e shkurtër. Por, të themi të drejtën, nuk e prisnim që këto pantallona klasike të riktheheshin aq fuqishëm. Të njohura ndryshe edhe si pantallona të shkurtra të lirshme, me origjinë nga shekulli i 19-të, po përjetojnë një rikthim mbresëlënës në verën e vitit 2025 dhe ekspertët e modës tashmë i kanë shpallur “must-have” të sezonit.
Përpara se të na tërheqin vëmendjen versionet e tyre moderne në pasarela, vlen të kujtojmë historinë që mbartin. Pantallonat nuk ishin thjesht të brendshme të rehatshme; ato ishin simbol i rezistencës. Fillimisht u krijuan nga gratë që donin të çliroheshin nga korsetë dhe fustanet e ngushta. Sfida e tyre e vetme? Kyçet e zbuluara. Sot, kjo siluetë me rrënjë revolucionare, rifiton jetë përmes stilit bashkëkohor.
Në sfilatën e Chloé Pranverë/Verë 2025, stilistja Chemena Kamali e solli këtë siluetë me një frymë të re, duke përdorur materiale transparente dhe dantella në ngjyra të lehta.
Nëse mendoni se ky është thjesht një trend për muajt e nxehtë, Maria Grazia Chiuri nga Dior ju fton të mendoni ndryshe. Në koleksionin Vjeshtë/Dimër 2025, përfshihet edhe ky stil, i kombinuara me xhaketa bomber moderne, një përzierje perfekte e së kaluarës dhe të tashmes.
