Dëgjoni e mbani vesh! Harry Styles u pa duke u puthur me pasion me një vajzë misterioze në Festivalin Glastonbury në Somerset, Angli. Këngëtari i “Watermelon Sugar” u puth me një vajzë brune, e cila sipas The Sun, quhet Ella Kennedy.
Mesa duket gjërat qenkan serioze, pasi një dëshmitar okular tha për The Sun se “Harry kishte sy vetëm për këtë vajzë dhe se mes tyre shpërthyen shkëndija sapo u takuan”.
Ish-anëtari i One Direction, 31 vjeç, thuhet se mbërriti në koncert në orët e para të mëngjesit me disa nga miqtë e tij. Por, gjithsesi, ai dhe vajza u bënë të pandarë sapo u takuan. Ella, e puthi disa herë në faqe, para se ta kapte këngëtarin prej dore dhe ta çonte në pistën e kërcimit, thonë burimet dhe e gjitha duket si një skenë filmi.
“Vetëm një orë pasi mbërritën, ata u puthën përpara shumë njerëzve dhe nuk u shqetësuan aspak se kush po i shihte,” tha një dëshmitar dhe se në fakt, dukej sikur po kalonin shumë mirë në shoqërinë e njëri-tjetrit.
Styles është rikthyer në skenën e takimeve romantike, pas ndarjes me Taylor Russell. Page Six konfirmoi në maj 2024 se ai dhe Russell i dhanë fund lidhjes pas një viti bashkë. Ata “kaluan një periudhë të vështirë” pas pushimeve në Japoni në prill të atij viti, tha një burim për The Sun asokohe.
Përpara lidhjes me Russell, aktori i “Don’t Worry Darling” ishte në një marrëdhënie dyvjeçare me regjisoren Olivia Wilde, me të cilën u nda në nëntor 2022. Gjithashtu, ai ka qenë i lidhur edhe me Kendall Jenner e Taylor Swift.
-
-
Harry Styles dhe Taylor Russell i japin fund lidhjes
21 Maj, 15:09
