Drake ka vendosur të flasë hapur për trupin e tij dhe thashethemet që e ndjekin prej muajsh. Në një episod të podcast-it “Not This Again” me Bobbi Althoff, reperi 38-vjeçar adresoi spekulimet mbi six-pack-un e tij që u bë viral në qershor. Fotoja ku ai shfaqej me bark të tonifikuar nxiti pyetje në rrjete sociale se a kishte bërë ndonjë ndërhyrje kozmetike apo kishte përdorur Photoshop.
Bobbi Althoff e pyeti nëse kishte kryer një “abdominal etching”, një procedurë kozmetike që fokusohet te zona e barkut për ta bërë më të tonifikuar. Drake mohoi çdo ndërhyrje kirurgjikale dhe qeshi me thashethemet për BBL: “Disa njerëz më thërrasin ‘BBL Drizzy’,” tha ai me humor.
Ai tregoi se fotoja u prek pak megjithatë:
“Sapo dola nga palestra, isha i djersitur në atë foto… ndoshta rrita pak saturacionin ose diçka të tillë. Mendoj se e teprova pak,” pranoi reperi.
Ai siguroi fansat se muskujt e tij janë kryesisht rezultat i stërvitjes dhe disiplinës, jo magjisë së Photoshop-it apo ndërhyrjeve kirurgjikale.
Përveç debatit mbi trupin e tij, Drake foli edhe për thashethemet që qarkulluan gjatë vitit të kaluar për një BBL (Brazilian Butt Lift, procesi i transferimit të dhjamit nga pjesë të tjera të trupit, drejt të pasmeve, me qëllimin për t'i ngritur ato) dhe për pretendimet se kishte përdorur steroide.
Ai tha me humor:
“Fatkeqësisht muskujt e mi janë të vërtetë! Kam respekt për komunitetin e djemve me muskuj fals, secili me stilin e vet, por gjëja me të cilën më vjen të qesh është se mua kështu më krijoi Zoti.”
Dakord Drake, po të besojmë!
