Shumë vulgar? Pornografi që kamuflohet si film për shitje biletash? Tradhti ndaj një prej librave më të pëlqyer? Shumë komente, kritika dhe vëmendje ka marrë trailer-i i ri i filmit “Wuthering Heights” (“Lartësitë e Stuhishme”), i përshtatur nga romani klasik i Emily Brontë.
Që pas publikimit të trailer-it gjatë javës së kaluar, shumë njerëz e diskutuan gjatë e gjerë, por në vendim unanim vendosën që filmi ka shumë skena seksi dhe është praktikisht, i përqendruar vetëm në marrëdhëniet intime, si dhe përshtatja e personazheve nuk është bërë siç duhet.
The official teaser for Emerald Fennell’s ‘WUTHERING HEIGHTS’ starring Margot Robbie and Jacob Elordi.
— Film Updates (@FilmUpdates) September 3, 2025
In theaters Valentine’s Day 2026.
pic.twitter.com/5FRQ3JGd8R
Filmi publikohet më 14 shkurt 2026 dhe nga ajo që shihet në trailer, duket se do të jetë një histori e nxehtë me tension seksual, korse provokuese, skena me gatim buke që kanë tone erotike, gjeste sugjestive me vezë dhe një atmosferë dukshëm më erotike sesa ajo që krijon tragjedia gotike e Brontë-së. Sigurisht, historia pasionante e dashurisë shkatërruese mes Catherine dhe Heathcliff ka qenë gjithmonë një rrëfim i dëshirës së fuqishme, por në film, erotizmi është në një nivel krejt tjetër. Gjithashtu, edhe sloganet “Drive Me Mad” (“Më çmend”), si dhe muzika e filmit, e cila përfshin këngë të Charli XCX, ka ngjallur shumë kureshtje, por jo për mirë.
Shumë njerëz po ankohen se ngarkesa erotike e librit, e cila qëndron pikërisht te mungesa e kontaktit seksual mes protagonistëve, po banalizohet nga ajo që shumë e kanë quajtur “50 Hijet e Brontë-së”, referuar “50 Shades of Grey”.
"Vizualisht i bukur, por krejtësisht bosh dhe i gabuar. Kjo s’ka asnjë lidhje me "Wuthering Heights", duket më shumë si një romancë vulgare/pështatje me stilin e "Bridgerton". S’e di çfarë ka menduar Fennell me këtë projekt, është vërtet e tmerrshme dhe fyese për veprën origjinale. Thjesht ew", u shpreh dikush.
visually pretty but entirely hollow & wrong. this has nothing to do with wuthering heights, looks more like a bodice ripper / bridgerton adaptation. idk what fennell was thinking with this project, it’s truly horrendous & insulting to the source material. just ew https://t.co/gIfPgNQus5
— m. (@poetcinematic) September 3, 2025
“A duhej vërtet ta bënin “Wuthering Heights” kaq të seksual?” pyeti një përdorues, i X, ndërsa një tjetër shtoi se çuditërisht, filmi duket shumë pervers.
Të tjerë shprehën shqetësime se romanca e ndaluar letrare, e mbushur me reflektime mbi ndarjet shoqërore, nuk mund të zëvendësohet nga skena tipike të “Saltburn” apo “Bridgerton”.
Dikush tjetër tha se nëse Emerald Fennell do të bëjë një film erotik, le ta bëjë, por të mos terrorizojë shkrimtaren.
the way this didn't need to be a wuthering heights adaptation, like girl if you wanted to make a horny period piece then do that. no need to terrorise emily bronte https://t.co/XGVpi9QWFP
— shania? (@sshxniaa) September 3, 2025
Më tej, një komentues u shpreh se Emily u ngrit nga varri, pas trailer-it të publikuar!
emily bronte is rising from her grave as we speak because why did they turn wuthering heights into fifty shades of heathcliff and cathy https://t.co/82UL4H6fHT
— gen (@daehaerys) September 3, 2025
Të tjerë, vunë re një tjetër dallim: Jacob Elordi, në rolin e Heathcliff (i përshkruar në libër si një djalë i ri me flokë të zinj, sy të errët, lëkurë të errët dhe prejardhje cigane), si dhe Margot Robbie, në rolin e Catherine (e cila në libër është në fund të adoleshencës dhe shumë më pak bionde).
Pra, duket se përshtatja e romanit, nuk është pritur me aq entuziazëm, edhe pse vjen nga Emerald Fennell, e cila ka fituar Oscar për Skenarin më të Mirë Origjinal me filmin “Promising Young Woman” (2021). Ajo është regjisorja e “Saltburn”, një prej më të komentuarve gjatë vitit të kaluar në TikTok.
Kasti i "Wuthering Heights" përbëhet nga Margot Robbie, Jacob Elordi dhe yllin e “Adolescence”, Owen Cooper.
